Moskvada aktyor Qoşa Kutsenkonun avtomobilində doğranmış qadın meyiti aşkar edilib.

Kult.az APA-ya istinadən xəbər verir ki, meyit Kutuzovski prospektindəki evlərdən birinin həyətində park edilmiş "Zaporojets" avtomobilində tapılıb.

Qətli törətməkdə şübhəli bilinən 30 yaşlı Albert Abdullin artıq saxlanılıb.

İlkin məlumatlara görə, A.Abdullin birgə spirtli içki içdikdən sonra tanışı olan qadını öldürüb və meyiti küçədə olan avtomobilin içinə atıb.

Faktla bağlı cinayət işi açılıb.

Müstəntiqlər avtomobilində meyit tapılmış aktyor Qoşa Kutsenkonu dindirməyi planlaşdırır.

O da məlum olub ki, Kutsenkonun adına qeydiyyatda olan həmin avtomobilin qapıları açıq olub. Yerli sakinlərin sözlərinə görə, "bomj"lar tez-tez avtomobildə gecələyiblər.