Bu gecə futbol azarkeşlərinin səbirsizliklə gözlədiyi dünya çempionatına start verilir.

Axar.az xəbər verir ki, turnirin açılış mərasimi saat 00:00-da olacaq. Mundialın açılış oyununda isə ev sahibi Braziliya ilə Xorvatiya qarşılaşacaq və görüş Axar.az-da canlı yayımlanacaq. Görüş Bakı vaxtı ilə saat 1:00-də başlayacaq.

Braziliya yığması qrupun 2-ci favoriti Xorvatiyanı üstələməyə çalışacaq. Xorvatiya millisi isə rəqibindən ən azı 1 xal qoparmağa cəhd edəcək. Hər iki komandanın heyətində zədəli oyunçuların olmaması oyuna xüsusi maraq qatır.

Millimizin baş məşqçisi Berti Foqts da bu görüşü izləyənlər arasında olacaq. ABŞ millisinin Baş məşqçisi Yurgen Klinsmannın məsləhətçisi kimi iştirak edən Foqts Xorvatiya komandasına xüsusi diqqət ayıracaq. Belə ki, xorvatlar növbəti Avropa çempionatının seçmə mərhələsində yığmamızla eyni qrupda yarışacaq.

Bu qrupun digər görüşü sabah saat 21:00-da keçiriləcək. Meksika ilə Kamerun qrupdan çıxmaq üçün mübarizə aparacaq.

Qeyd edək ki, Axar.az 1 ay ərzində hər gün mundialın bir mərkəzi qarşılaşmasını canlı olaraq təqdim edəcək.

"Topaz" futbol proqramında 303 kodu ilə göstərilmiş oyuna verilən əmsallar aşağıdakı kimidir: Braziliyanın qələbəsi 1,20, heç-heçə 4,80, Xorvatiyanın qələbəsi 9,00.

A qrupu

01:00 Braziliya – Xorvatiya
Hakim: Yuiti Nishimura (Yaponiya)
San-Paulu. "Arena Korintians"

21:00 Meksika – Kamerun
Hakim: Vilmar Roldan (Kolumbiya)
Natal. "Arena das Dunas"

Ölkənin qanuni mərc oyunları operatoru "Topaz"ın qarşılaşma ilə bağlı təqdim etdiyi əmsalları fotoyla təqdim edirik: