Dünya barışığını təmsil edən "Tour de Frans" tərəfindən Bosniya və Hersoqovinada ənənəvi velosiped yarışına start verilib.

Axar.az xəbər verir ki, 1-ci Dünya müharibəsinin 100-cü ildönümü münasibətilə Beynəlxalq Velosiped Birliyinin təşkilatçılığı və "Tour de Frans"ın dəstəyilə təşkil olunan "2014 Balkan Velosiped Çempionatı"na iyirmi ölkədən yüz qırx idmançı qatılıb.

Türk Hava Yollarının rəsmi nəqliyyat sponsorluğu ilə turun başlanğıcını Bosniya və Hersoqovina prezidenti Bakir İzətbeqoviç və Fransa Velosiped federasiyasının prezidenti Xristian Proudhom elan edib. Şərqi Sarayevodan başlayan yarış Voqoşça, İliyaş, Visokoye, Kiselyak, İlica, Haciçi, Tırnova qəsəbələrindən keçərək Sarayevonun mərkəzindəki Bosniya və Hersoqovina meydanında sona çatıb. Birinciliyi avstriyalı velosipedçi Matej Marin, ikinci yeri italiyalı Dele Stele, üçüncü yeri isə yenə İtaliyadan Andreya Vaçar qazanıb.

Qeyd edək ki, Bosniya və Hersoqovina Velosiped federasiyasının prezidenti Zlatko Berbic "bu cür yarışları təşkil etməkdə yeganə məqsədimiz bütün dünyaya sülh mesajı verməkdir", - deyə bildirib.