Vaşinqtonun Reyqan hava limanında helikopterlə toqquşan təyyarədə sərnişinlər arasında fiqurlu konkisürmə üzrə rusiyalı keçmiş dünya çempionları – Yevgeniya Şişkova və Vadim Naumov da olub.

Axar.az xəbər verir ki, bu barədə TASS mənbəyə istinadla məlumat yayıb.

“Qəzaya uğrayan təyyarədə məşqçilərimiz Yevgeniya Şişkova və Vadim Vaumov da olub”, - mənbə bildirib.

Yayılan digər məlumata görə, fiqurlu konkisürmə üzrə SSRİ üçüncüsü İnna Volyanskaya da qəzaya uğrayan təyyarədə imiş.

Qeyd edək ki, Vaşinqtonun Reyqan Milli Hava Limanında sərnişin təyyarəsi ilə helikopter toqquşub. İkiyə parçalanan təyyarə Potomak çayına düşüb. Təyyarədə 64 nəfərin, helikopterdə isə ən azı 3 hərbçinin olduğu bildirilir.

İndiyə qədər 19 nəfərin meyiti sudan çıxarılıb.