SOCAR bu il Gürcüstanda daha 5 yanacaqdoldurma məntəqəsi tikməyi planlaşdırır.

Axar.az Dövlət Neft Şirkətinin rəsmi saytına istinadən xəbər verir ki, "SOCAR Energy Georgia" MMC-nin törəmə şirkəti olan "SOCAR Georgia Petroleum" Gürcüstanda SOCAR brendi altında işləyən yanacaqdoldurma məntəqələri şəbəkəsini genişləndirir.

Qeyd edək ki, hazırda qonşu ölkədə SOCAR-ın 112 yanacaqdoldurma stansiyası və 1 ədəd qazdoldurma məntəqəsi fəaliyyət göstərir.

2015-ci ildə isə daha 5 yeni məntəqənin tikilib istifadəyə verilməsi, 4 məntəqədə isə rekonstruksiya işlərinin aparılması nəzərdə tutulur. Bu məntəqələrdə də istehlakçılara yüksək səviyyədə xidmət göstərilməsi üçün bütün şərait yaradılacaq

Qeyd edək ki, ötən il Gürcüstan bazarına ümumilikdə 314 697,2 ton həcmində neft məhsulu çıxarılıb edilib ki, bunun da 288 494,8 tonu Azərbaycan mənşəli məhsulların (17 899,209 ton benzin, 245 857,324 ton dizel, 34 495,599 ton aviasiya kerosini, 657,029 ton mazut, 4 252,54 ton bitum və 11 535,555 ton maye qaz) payına düşüb.