Yuxarı

Vergilər Nazirliyi sahibkarlara qarşı reydlərə başladı – Özəl

Ana səhifə İqtisadiyyat
12 Punto 14 Punto 16 Punto 18 Punto

Artıq bir neçə gündür Vergilər Nazirliyinin əməkdaşları sahibkarlıq fəaliyyəti ilə məşğul olan hüquqi və fiziki şəxslərə müraciət edərək, rəsmən işçilərə yazılan məbləğin reallığa uyğunlaşdırılmasını tələb edirlər.

elə ki, hazırda sahibkarlıq fəaliyyəti ilə məşğul olan hüquqi və fiziki şəxslər işçilərinə ən minimal həddə rəsmi əməkhaqqı yazırlar – 125-140 manat arası, ən yaxşı halda isə 200 manat. Məqsəd mümkün qədər vergidən yayınmaqdır.

Məlumat üçün qeyd edək ki, Azərbaycan qanunvericiliyinə görə, işəgötürən 22 faiz, işçi isə ümumi maaşından minimal əməkhaqqı (125 manat) çıxıldıqdan sonra yerdə qalan məbləğin 14 faizi miqdarında gəlir vergisi verməlidir. Əməkhaqqı az göstərildikdə isə işçi ümumiyyətlə gəlir vergisi vermir, işəgötürən isə cüzi miqdarda vergi ilə real gəlir vergisindən yayınır.

Üstəlik, Sosial Müdafiə Fonduna əlavə olaraq ödənilən 3 faiz də var. Ümumilikdə əsasən bütün azad sahibkarların istifadə etdiyi bu variant nəticəsində Sosial Müdafiə Fondu dövlətin dotasiyasından tam asılı vəziyyətdədir (təxminən, hər il DSMF-yə büdcədən 45 faizə qədər dotasiya verilir), Vergilər Nazirliyi isə büdcə daxilolmalarında öz önəmli mövqeyini qoruyub saxlaya bilmir və dövlət büdcəsinin kəsirləri Neft Fondunun vəsaitləri hesabına bağlanılır.

Axar.az-ın məlumatına görə, vergi siyasətini reallıqlara uyğunlaşdırmaq prinsipini əsas götürən Vergilər Nazirliyi daxili təlimatla bütün sahibkarlara ciddi xəbərdarlıq ünvanlayıb və reydlərə başlayıb. İri və orta sahibkarlardan işçilərinə verdiyi əməkhaqqının məbləğini reallığa uyğunlaşdırmaq, yəni ən azı 450 manat, xırda sahibkarlardan isə 350 manat göstərməsi tələb edilir. Bundan imtina edənlərə isə kameral vergi yoxlaması göndəriləcəyi bildirilir.

Əməkhaqqının reallığa uyğunlaşdırılması tələbinin həm də orta aylıq əmək haqqının gerçək statistikasını müəyyənləşdirmək və beləliklə də, Azərbaycanın iqtisadi göstəricilərini izləmək baxımından vacib hesab olunduğu haqqında da məlumat verilir.

Bahalaşmanın növbəti mərhələsi

Məlumata görə, vergidən yayınmaqla illərdir daha çox mənfəətlə işləməyə adət etmiş sahibkarlar çıxış yolu kimi qiymət artımına nail olmağa çalışırlar. Beləliklə, inzibati metodlardan istifadə olunmazsa, Azərbaycanda bahalaşmanın növbəti mərhələsi yaz aylarından başlaya bilər.

Tarix
2014.02.08 / 12:40
Müəllif
İlqar Vəliyev
Digər xəbərlər

Laçın sərhəd məntəqəsinin qurulmasından 2 il ötür

İlham Əliyev Çində belə qarşılandı - Video

Orxan Fikrətoğlu vəzifə almayıb, əksinə, “vurulub” - Sensasiya

Kaya Kallas Azərbaycana gəlir

Prezident xanımı ilə Çinə getdi

Qafarova ilə təkbətək söhbətim oldu, məncə… - Simonyan

Qafarovadan deputata irad: Hökumətə nə olub ki!

İrandan ölkəmizə qarşı PUA təhlükəsi – Nə baş verir?

Heydər Əliyevin Şanxay haqqında çıxışı - Video

Nikol Bakının şərtini bu vaxt yerinə yetirəcək - Perenciyev

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla