Polşanın xarici işlər naziri Radoslav Sikorski İsrailin ifrat sağçı milli təhlükəsizlik naziri İtamar Ben-Qvirin Polşaya girişinə qadağa qoyulmasını istəyir.

Axar.az xəbər verir ki, bu barədə Polşa Xarici İşlər Nazirliyi məlumat yayıb.

“Varşavada Qəzza donanmasının fəallarının saxlanılması ilə bağlı yaranmış narazılıqdan sonra nazir Sikorski Ben-Qvirin fəaliyyəti səbəbindən onun Polşaya girişinə qadağa qoyulması üçün Daxili İşlər Nazirliyinə müraciət etmək qərarı verib”, - məlumatda bildirilib.

Qeyd edək ki, İsrail Hərbi Dəniz Qüvvələri humanitar yardımla Qəzzaya gedən Sumud donanmasına aid gəmiləri əməliyyat nəticəsində saxlayıb. Daha sonra təhlükəsizlik naziri Ben-Qvir saxlanılan fəalların təhqir edilməsini əks etdirən görüntülər paylaşıb.