Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
20 Fevral 2020


Nazir Türkiyə agentliklərinə müsahibə verdi

Ana səhifə Kult
12 Punto 14 Punto 16 Punto 18 Punto

Azərbaycan və Türkiyə arasında əlaqələr o qədər dərindir ki, bəzən mədəniyyətlərimizi bir-birimizə tanıtmağı belə unuduruq. İstərdik ki, Azərbaycanın mədəniyyət və incəsənəti Türkiyədə daha çox tanıdılsın, eyni zamanda Türkiyə mədəniyyəti ölkəmizdə təbliğ olunsun.

Kult.az xəbər verir ki, bu fikirləri Mədəniyyət naziri Əbülfəs Qarayev Türkiyənin “Anadolu”, “İhlas” və “Demirören” xəbər agentliklərinin əməkdaşlarına müsahibəsində deyib.

Nazir Ermənistanın işğalı altında olan mədəni irsimizlə bağlı fikirlərini bölüşərək bildirib ki, Azərbaycan öz mədəni irsinin mənimsənilməsinə imkan verməyəcək:

“Bu işdə biz yalnız deyilik, türk dövlətləri də hər zaman yanımızda olurlar. İşğal altında olan Azərbaycan torpaqlarında bərpa adı ilə tarixi abidələrimiz saxtalaşdırılır və təhrif olunur. Türkiyə bu məsələdə hər zaman öz dəstəyini göstərir. Biz UNESCO-da da birlikdə çalışırıq. Birgə zəhmətimiz sayəsində UNESKO siyahısına daxil etdiyimiz irs nümunələrimiz var. Məsələn, Novruz bayramını ümumi miras olaraq təşkilatın Qeyri-maddi mədəni irs üzrə reprezentativ siyahısına daxil etdik. Çünki Novruz bizi birləşdirən dəyərdir. Həmçinin “Kitabi-Dədə Qorqud” dastanı Türkiyədə də, Türkmənistanda da, Qazaxıstanda da eyni adla tanınır. Türk xalqlarının bu söz abidəsi də bizi birləşdirir”.

Nazir qeyd edib ki, irs nümunələrimiz UNESKO-nun siyahısına daxil olduqdan sonra onlardan daha səmərəli istifadə etməli, onların təbliğatını daha da genişləndirməliyik: “Ötən il Bakı şəhəri UNESCO-nun “Yaradıcı şəhərlər şəbəkəsi”nə daxil edildi. Bu bizim üçün qürurdur. Biz özümüzü türk mədəniyyətinin ayrılmaz bir hissəsi kimi görürük. Azərbaycan və Türkiyə arasında əlaqələr o qədər dərindir ki, bəzən mədəniyyətlərimizi bir-birimizə tanıtmağı belə unuduruq. İstərdik ki, Azərbaycanın incəsənət adamları Türkiyədə daha çox tanıdılsın, eyni zamanda Türkiyə mədəniyyəti ölkəmizdə təbliğ olunsun. Beynəlxalq aləmdə bir millətin iki səsi var. Hörmətli Prezidentimiz cənab İlham Əliyev Türkiyəni hər zaman Azərbaycana ən yaxın və qardaş ölkə kimi görür. Azərbaycan və Türkiyə bu gün bölgənin aparıcı nəqliyyat, neft-qaz layihələrini həyata keçirirlər. Neft kəməri, dəmir yolu xətti Türkiyə üzərindən keçir”.

TÜRKSOY çərçivəsində əməkdaşlıqdan söz açan Əbülfəs Qarayev deyib ki, bu təşkilat fəaliyyətində bütün türk mədəniyyətlərini birləşdirir: “Harada türk xalqı varsa, biz onların da mədəniyyətini qorumalıyıq. Balkanlardan tutmuş dünyanın bir sıra ölkələrində türk mədəniyyətini qorumalı və dünyaya bu mirasın nə qədər qədim və zəngin olduğunu sübut etməliyik”.

Tarix
2020.02.11 / 11:22
Müəllif
Kult.az
Şərhlər
Digər xəbərlər

"Qladiator" və "Troya"nın aktyoru öldü

Nailə Mirməmmədliyə BDU-da vəzifə verildi

Xalq şairinin adına Poeziya Evi üçün torpaq sahəsi ayrıldı

Avtomatla əsgərlikdən qaçan şairimiz - 7 fakt

Mən arağın daşını necə atdım...

Paşinyanın “Böyük Tiqranı” kimdir? – Tarixi faktlar

Bakıda “Sevgililər günü” sorğusu: Partlayış səsi... - Video

Leyla Əliyeva xəstəlikdən əziyyət çəkən uşaqlarla görüşdü

64 il əvvəl Azərbaycanda eşidilən tarixi sözlər - Video

Rusiyada qeyri-adi evlilik təklifi - Video

KULT
<>
Xəbər xətti
 
yatsan
Axar.az'da reklam Bağla
Reklam
Bize yazin Bağla