İspaniyanın "Flamenko" qrupu iyunun 13-də Heydər Əliyev Mərkəzində məşhur "Karmen" əsərini tamaşaçılara yeni quruluşda təqdim edəcək.

Axar.az xəbər verir ki, fransız yazıçı Prosper Merimenin və bəstəkar Corc Bizenin "Karmen" operası əsasında səhnələşdirilmiş şou Antonio Andrade və onun qrupu tərəfindən müasir flamenko ruhunda hazırlanıb. İki saata yaxın davam edəcək flamenko gecəsində vokal ifa və rəqs performansları təqdim olunacaq. Şouda Karmen obrazını Malaqa şəhərindən olan rəqqasə və xoreoqraf Ursula Moreno yaradacaq.

Qeyd edək ki, "Karmen" şousunun səhnə performansının Bakıdan sonra Danimarka və İsveçrədə təqdimatları nəzərdə tutulur.