60-cı illərin əfsanə qrupu "Bitlz"ın üzvlərindən olan Pol Makkartni qrupun 1980-ci ildə küçənin ortasında vurularaq öldürülən məşhur üzvü Con Lennon haqqında təəccüblü açıqlama verib.

Axar.az xəbər verir ki, "Eskvayə" (Esquire ) jurnalının son sayına müsahibə verən 73 yaşlı rokçunun sözləri "Bitlz" sevənləri də məyus edib.

"Hamımız eyni mövqedə idik", - deyən Makkartni Lennonun şişirdildiyini, onlara haqsızlıq edildiyini vurğulayıb:

"Lennon ölümündən sonra mətbuat və xalq tərəfindən az qala şəhid mərtəbəsinə yüksəldildi. Elə bil Ceyms Din, ya da sui-qəsdə qurban gedən ABŞ prezidenti Kennedi idi. Qrup onun adı ilə yad edilməyə başlandı. Halbuki qrup dağılandan sonra hamımız fərdi şəkildə musiqi ilə məşğul olurduq. Bərabər mövqedə idik, amma öləndən sonra qrupun əfsanəsi Lennon oldu. Bu haqsızlıqdır".