Yuxarı

Yaşar Nurinin qəbri ziyarət edildi - Foto

Ana səhifə Kult
12 Punto 14 Punto 16 Punto 18 Punto

Görkəmli teatr və kino aktyoru, xalq artisti Yaşar Nurinin 70 illik yubileyi münasibəti ilə məzarı ziyarət edilib.

Kult.az xəbər verir ki, mərasimdə Azərbaycan Teatr Xadimləri İttifaqının və Azərbaycan Dövlət Akademik Milli Dram Teatrının kollektivi, aktyorun ailəsi və teatrsevərlər iştirak edib.

Mərasimi giriş sözü ilə açan xalq artisti Hacı İsmayılov Yaşar Nurinin Azərbaycan mədəniyyətində tutduğu yerdən danışıb. O qeyd edib ki, Yaşar Nuri sənətkar və insan kimi xalqın sevgisini qazanıb, yaratdığı obrazlarla Azərbaycan teatrı və kinosunun simasına çevrilib.

O vurğulayıb ki, teatr fəaliyyətə başlayan kimi Yaşar Nurinin 70 illik yubileyi münasibəti ilə teatrda tədbir keçiriləcək.

Xalq artisti Nurəddin Mehdixanlı sənət dostunun Azərbaycan mədəniyyətinin, teatr və kino sənətinin inkişafındakı rolundan danışıb.

Xalq artisti Əli Nur Yaşar Nuri ilə bağlı xatirələrini tədbir iştirakçıları ilə bölüşüb. O, Yaşar Nurini sənət fədaisi, Azərbaycan teatrı və kinosunda məxsusi yeri olan, xalqın sevimli sənətkarı kimi dəyərləndirib.

Sonda Yaşar Nurinin həyat yoldaşı Rəhimə Nuriyeva çıxış edib, mərasimin təşkilinə görə təşəkkürünü bildirib.

Qeyd edək ki, Yaşar Nuri 1951-ci il sentyabr ayının 3-də Bakıda tanınmış aktyor Məmmədsadıq Nuriyevin ailəsində dünyaya gəlib. 10 yaşından Azərbaycan televiziyasında uşaq verilişlərində çəkilən və teatr səhnələrində uşaq rollarını ifa edən aktyor 1968-ci ildə Azərbaycan Dövlət İncəsənət İnstitutunun dram və kino aktyorluğu fakültəsinə daxil olub. 1974-cü ildə Akademik Milli Dram Teatrının baş rejissoru Tofiq Kazımovun dəvətilə bu kollektivin aktyor truppasına qəbul olunub.

Teatrda və kinoda komik, psixoloji və dramatik rolların məharətli ifaçısı kimi tanınan xalq artisti uzun sürən xəstəlikdən sonra 2012-ci ildə vəfat edib.

Tarix
2021.09.06 / 21:52
Müəllif
Kult.az
Digər xəbərlər

Rusiya XİN rəhbərinin müavini səfirimizlə görüşdü

Mirzoyan avropalı diplomatla sülh prosesindən danışdı

Ştaynmayerin gəldiyi gün sərhəddə təxribat... - Deputat

Kavelaşvili ilk xarici səfərini Azərbaycana edəcək

Rəsmi Bakıdan Fransaya tələb: Buna son qoyun!

Kadırov İlham Əliyevi təbrik etdi

Lap az qaldı: İrana hücum başlayır - Türk general

Tabor komandiri kimi Melkonyana tabe idim - İşxanyan

Çindən Əliyevə mühüm dəstək: Nikol uduzdu - Korotçenko

Fidan Barro ilə görüşdü: Cənubi Qafqazda sülh...

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla