Mətbuat xidməti o işin öhdəsindən layiqincə gəlir.

Bu sözləri Azərbaycan Respublikası Nazirlər Kabineti yanında Tərcümə Mərkəzinin aparat rəhbəri, yazıçı Yaşar Əliyev mərkəzə Mətbuat və Nəşr məsələləri üzrə müşavir təyin olunması ilə bağlı Axar.az-a danışarkən deyib. O, uzun müddətdir ki, boş qalan vəzifəyə yeni təyinat olmayacağını bildirib:

"Çox güman ki, Tərcümə Mərkəzinə Mətbuat və Nəşr məsələləri üzrə müşavir təyin olunmayacaq. Hazırda hər hansı bir namizəd də yoxdur.

Həmin vəzifəni mətbuat katibi icra edir. Mətbuat katibimiz də Günel Şamilqızıdır. Ola bilsin, heç təyinat olmasın, yəni bu işin öhdəsindən gələn var, yeni təyinata ehtiyac da yoxdur".

Xatırladaq ki, şair Fərid Hüseyn iyul ayında qalmaqallı şəkildə Tərcümə Mərkəzindəki vəzifəsindən ayrılıb.