Ötən gün Tovuzda ermənilər tərəfindən mövqelərimizin atəşə tutulması nəticəsində 2 şəhid verdiyimiz ərəfədə ARB kanalında əyləncəli verilişin yayımlanması ictimaiyyətdə birmənalı qarşılanmayıb. Belə bir zamanda kanalda “Hüseynova bacıları” adlı verilişin yayımlanması və qonaqların oxuyaraq rəqs etməsi sərt tənqid edilib.

Məsələ ilə bağlı Kult.az-a açıqlama verən ARB Media Qrupunun mətbuat xidmətinin rəhbəri Ozal İbrahimli bildirib ki, sözügedən verilişin gedişində kanalın proqram cədvəli dəyişdirilib:

“Dünəndən kanalın yayım cədvəlinə dəyişiklik edilib. Allah şəhidlərimizə rəhmət eləsin! Başımız sağ olsun”.

Qeyd edək ki, ötən gün günorta saatlarından ermənilər Tovuzun Ağdam kəndi istiqamətində mövqelərimizi atəşə tutub. Müdafiə Nazirliyinin məlumatına görə, hazırda 3 şəhidimiz və 4 yaralı əsgərimiz var.

AzTV ötən gün konsert proqramını dərhal ləğv etmişdi.