Ermənistanın xarici işlər naziri Ararat Mirzoyan BMT-nin 80-ci Baş Assambleyasının çərçivəsində Avropa Birliyinin (AB) xarici siyasət və təhlükəsizlik siyasəti üzrə ali nümayəndəsi Kaya Kallasla görüşüb.

Axar.az xəbər verir ki, bu barədə erməni mediası məlumat verib.

Tərəflər Ermənistan və AB arasında tərəfdaşlığın dinamik şəkildə inkişaf etdiyini və qarşılıqlı maraq doğuran bütün sahələri əhatə etdiyini qeyd ediblər.

Onlar geosiyasi və regional hadisələr barədə fikir mübadiləsi aparıblar və bu kontekstdə Ermənistan-AB əməkdaşlığının prioritet proqramlarını vurğulayıblar.

Bundan başqa, Mirzoyan və Kallas regional sabitlik və sülhün vacib amili kimi beynəlxalq kommunikasiya proqramlarının həyata keçirilməsini müzakirə ediblər.