Parisdə Fransa Prezidenti Emmanuel Makronun istefası, ölkənin Avropa Birliyi və NATO-dan çıxması üçün aksiyalar keçirilib.

Axar.az xəbər verir ki, bu barədə TASS məlumat yayıb.

Bildirilib ki, nümayişçilər Fransa paytaxtının 6-cı rayonundakı Monparnas bulvarından Luvr muzeyinə doğru yürüş edərək "Makron, get!", "Avropa Birliyindən çıx!" kimi şüarlar səsləndiriblər.

"Ölkə tam qarışıqlıq içərisindədir. Nazirlər bir-birinin ardınca vəzifədən gedir. Biz NATO-dan, Avropa Birliyindən çıxmalıyıq. AB daxilində mövcud olmağa davam etsək, bizi senzura, müharibə və yoxsulluq gözləyir", - Vətənpərvərlər Partiyasının lideri və mitinqin təşkilatçısı Florian Filippo deyib.