Avropa Birliyi Ukraynaya maliyyə dəstəyi üçün dondurulmuş Rusiya aktivlərindən istifadəni genişləndirməyi planlaşdırır.

Axar.az xəbər verir ki, bu barədə “Politiko” nəşri məlumat yayıb.

“Avropa Birliyi 140 milyard avro dəyərində dondurulmuş Rusiya dövlət aktivlərinin gəlirlərindən istifadə edərək Ukraynaya iri həcmli kredit ayırmaq üzrədir. Lakin Avropa Komissiyası əlavə vəsait axtarışındadır.

Əldə olunan sənədə görə, bu aktivlərin böyük hissəsi Belçikada yerləşən “Euroclear” maliyyə depozitarında saxlanılır. Lakin AB ərazisindəki özəl bank hesablarında əlavə 25 milyard avro dondurulmuş vəsait mövcuddur və Komissiya həmin vəsaitlərin də Kiyevə kredit üçün istifadə olunmasını müzakirə etmək istəyir.

Maliyyə nazirləri qanun layihəsini noyabrda keçiriləcək növbəti görüşlərində müzakirə edəcəklər”, - nəşr qeyd edib.