Amerika sanksiyalarını ABŞ-la ikitərəfli münasibətləri gücləndirməyən qeyri-dost addım kimi qiymətləndiririk.

Axar.az xəbər verir ki, bu barədə Rusiya Prezidenti Vladimir Putin deyib.

"Əgər siyasi aspektdən danışsaq, təbii ki, bu, Rusiyaya qarşı qeyri-dost hərəkətdir. Bu, aydın məsələdir və təzəcə bərpa olunmağa başlayan Rusiya-Amerika münasibətlərini gücləndirmir”, - deyə Putin bildirib.

Qeyd edək ki, oktyabrın 22-dən 23-nə keçən gecə ABŞ Maliyyə Nazirliyi Rusiyanın Ukrayna münaqişəsinin sülh yolu ilə həllində kifayət qədər marağı olmadığına görə iki aparıcı neft şirkəti olan “Rosneft” və “Lukoyl”a yeni sanksiyalar tətbiq edib.