Türkiyə regional sabitliyin qorunmasından tutmuş, terrorla mübarizə, ticarətin genişləndirilməsi və enerji əməkdaşlığının gücləndirilməsinə qədər bir çox ortaq maraqları paylaşdığımız çox vacib bir tərəfdaşdır.

Axar.az xəbər verir ki, bu sözləri ABŞ-ın Dövlət katibi Marko Rubio Türkiyəni Cümhuriyyətin qurulmasının 102-ci ildönümü münasibətilə təbrik edərkən deyib.

“ABŞ-Türkiyə münasibətləri qlobal sülh, təhlükəsizlik və rifah üçün çox vacibdir. Türkiyə Respublikası uzun müddətdir NATO-nun dəyərli müttəfiqidir. Bizim ikitərəfli əməkdaşlığımız amerikalıları, türkləri və dünya ictimaiyyətini daha təhlükəsiz və firavan etmək üçün davam edir”, - Rubio bildirib.

Rubio əlavə olaraq, iki ölkə arasında möhkəm tərəfdaşlıq və müttəfiqliyi daha da gücləndirmək arzusunda olduğunu da vurğulayıb.