13:20

Qırğızıstanda növbədənkənar seçkilər keçirilir.

Axar.az xəbər verir ki, bu barədə Qırğızıstanın “24 KG” telekanalı məlumat yayıb.

Məlumata görə, ölkədə səsvermə üçün 2492 seçki məntəqəsi fəaliyyət göstərir.

Seçkilər majoritar sistem üzrə keçirilir: hər dairədən üç olmaqla, 30 çoxmandatlı seçki dairəsindən 90 deputat seçiləcək.

Səsvermə yerli vaxtla saat 20:00-a (Bakı vaxtı ilə 18:00) kimi davam edəcək.

Nəticələr dekabrın 14-dək elan olunacaq.

Qeyd edək ki, sentyabrın 25-də Qırğızıstan parlamenti özünü buraxmışdı.

***

Qırğızıstanda Joqorku Keneşə (birpalatalı parlament) keçirilən növbədənkənar seçkilərdə səsvermə başa çatıb.

Bunu respublikanın Mərkəzi Seçki Komissiyasının sədri Tınçtık Şaynazarov bildirib.

Ölkədə 2 492 seçki məntəqəsi, həmçinin insanların kütləvi toplaşdığı və müvəqqəti yaşadığı yerlərdə 27 məntəqə açılıb. Bundan əlavə, xaricdə 100 seçki məntəqəsi fəaliyyət göstərib.

Mərkəzi Seçki Komissiyasının məlumatına görə, seçicilərin yekun siyahısına 4 294 243 vətəndaş daxil edilib.