Ukrayna Prezidenti Vladimir Zelenski sabiq maliyyə naziri Oksana Markarovanı ölkənin bərpası və investisiyaları üzrə müşaviri təyin edib.

Axar.az xəbər verir ki, Zelenski bu barədə özünün Teleqram kanalında məlumat yayıb.

“Bu gündən etibarən Oksana Markarova Ukraynanın bərpası və investisiya məsələləri üzrə məsləhətçim kimi ölkəmizə kömək etməyə davam edəcək. Ölkəmiz artıq dörd ildir ki, Rusiyanın təcavüzü ilə üzləşir, ona görə də əsas vəzifə Ukraynanı lazımi silahlarla, hava hücumundan müdafiə sistemləri ilə və daxili sabitlik üçün kifayət qədər resurslarla təmin etməkdir”, - Zelenski bildirib.

Qeyd edək ki, Markarova 2021-ci ildə Ukraynanın ABŞ-dakı səfiri vəzifəsinə təyin edilib və 2025-ci ilin avqustunda vəzifəsindən azad edilib.