08:45

Tailand ordusunun Hərbi Dəniz Qüvvələri Kamboca qoşunlarını ölkə ərazisindən çıxarmaq üçün Trat əyalətində əməliyyata başlayıb.

Axar.az xəbər verir ki, bu barədə “Nation” qəzeti məlumat yayıb.

Hərbi Dəniz Qüvvələrinin sözçüsü Parat Rattanaçaifan bildirib ki, Tailandın təmkinli addımlarına və dialoq qurmaq üçün davam edən səylərinə baxmayaraq, Kamboca qüvvələri ölkə ərazisindən geri çəkilməyib. Əksinə, onlar bölmələrini xüsusi təyinatlı qüvvələr, snayperlər və çoxsaylı raket sistemləri ilə gücləndiriblər və həmçinin mövqelərini və taktiki qurğularını Tailandın suverenliyinə açıq şəkildə təsir edən şəkildə təkmilləşdiriblər.

Qeyd edək ki, bir müddət əvvəl Kambocanın Tailandın şərq əyalətlərini yaylım atəş sistemlərindən atəşə tutduğu barədə xəbər yayılmışdı.

***

Kamboca qoşunları ilə toqquşmalarda yaralanan Tailand hərbçilərinin sayı 29 nəfərə çatıb.

Bu barədə Tailand Silahlı Qüvvələrinin sözçüsü Surasan Xonqsiri məlumat verib.

"Silahlı toqquşmalar zamanı bir Tailand əsgəri həlak olub, 29-u yaralanıb", - o bildirib.