AB rəsmiləri ABŞ Prezidenti Donald Trampa qarşı koordinasiyalı hücuma keçiblər. Avropanı kəskin tənqid edən yeni ABŞ Milli Təhlükəsizlik Strategiyasının dərc olunmasından sonra AB rəsmiləri və siyasətçiləri düşünüb, məsləhətləşirdilər.

Axar.az xəbər verir ki, bunu rusiyalı politoloq Sergey Markov deyib.

“Və bu gün onlar cavab verməyə başlayıblar. Hamısı eyni gündə və demək olar ki, eyni formada. Amma yenə də 3 növ reaksiyanı ayırd edə bilərik:

1. Trampa Avropanın yaxşı və Amerikanın dostu olduğunu, onun Avropa haqqındakı sözlərinin isə doğru olmadığını bildirməklə cavab verirlər.

2. Əksəriyyəti hələ də susur. Çünki onlar Trampla mübahisə etmək istəmirlər, Tramp güclü və qisasçıdır. Düşünürəm ki, tezliklə Avropanın bütün siyasətçiləri Avropanın tənqidinə qarşı tənqidlə çıxış etməyə məcbur ediləcək.

3. Ən sərt danışanlar təqaüdçülərdir. Keçmiş AB rəhbəri Borrell açıq şəkildə bildirib ki, Avropa Trampın Avropanın düşməni olmadığını iddia etməyi dayandırmalıdır. Əslində, Avropanın demək olar ki, bütün hazırkı liderləri belə düşünür. Onlar sadəcə Trampdan qorxurlar.

4. Avropa liderləri və Tramp siyasi və çox vaxt şəxsi düşmənlərdir”, - o bildirib.