Ukrayna hakimiyyəti həddi aşdı, amma Macarıstan Kiyevin AB tərəfindən maliyyələşdirilməsinə qarşı mübarizəni dayandırmayacaq.

Axar.az xəbər verir ki, bunu Macarıstanın Baş naziri Viktor Orban deyib.

“Ukrayna rəhbərliyi həddi aşdı. Biz münaqişə axtarmırdıq, amma Macarıstan artıq bir neçə gündür ki, təhlükə altındadır. Nə Ukrayna Prezidenti Vladimir Zelenskinin, nə də xarici işlər nazirinin təhdidləri Macarıstanın öz xalqının maraqlarını müdafiə etməsinə mane olacaq. Məhz Budapeşt Kiyevə pul göndərməyəcək, çünki bu pul macar ailələrinə çatmalıdır və Rusiyadan əlçatan neft və qaz idxalına qadağa qoyulmasına icazə verməyəcəyik”, - o bildirib.

Orban əlavə edib ki, Macarıstanda vətənpərvər bir hökumət hakimiyyətdə olduğu müddətcə bu məsələlərlə bağlı qərarlar nə Kiyevdə, nə də Brüsseldə veriləcək.