Rusiyanın Ufa şəhərində Repina küçəsi 6 ünvanında yerləşən universitet yataqxanasında bıçaqlı şəxsin hücumu nəticəsində bir neçə nəfər yaralanıb.

Axar.az xəbər verir ki, bu barədə Rusiya mediası məlumat yayıb.

Rusiya Daxili İşlər Nazirliyinin rəsmi nümayəndəsi İrina Volk bildirib ki, Ufada bir ali təhsil müəssisəsinin yataqxanasında 4 tələbəyə və 1 polis əməkdaşına xəsarət yetirən şəxs saxlanılıb.

“Hadisənin detalları dəqiqləşdirilir”, – Volk qeyd edib.

Məlumata görə, Repina küçəsi 6 ünvanında yerləşən bina Başqırdıstan Dövlət Tibb Universitetinin yataqxanasıdır və burada xarici tələbələr də yaşayır.