Ya biz nüvə silahlarını məhv edəcəyik, ya da onlar bir gün bizi məhv edəcəklər. Birlikdə nüvə silahlarından azad bir dünyaya nail olmaq üçün çalışa bilərik.

Axar.az xəbər verir ki, bunu İranın xarici işlər naziri Abbas Arakçı deyib.

“İran nüvə silahı istehsal etmək və əldə etmək niyyətində olmadığını daim təsdiqləyib. Nüvə silahlarının İranın milli təhlükəsizlik doktrinasında heç bir yeri yoxdur.

Bu mövqe müdafiə siyasətimizə əsaslanır və açıq dini qadağalarla möhkəmləndirilir. Onlar İsrail rejiminin nüvə silahlarına göz yumurlar, İranın dinc proqramını isə təhdid kimi təqdim edirlər. İsrailin keçmədiyi qırmızı xətt yoxdur.

Eyni zamanda, 13 iyun 2025-ci il təcavüzü zamanı nümayiş etdirildiyi kimi, İran özünü hər hansı bir təhdid və ya təcavüz aktına qarşı müdafiə etməyə tam hazırdır.

İrana qarşı hər hansı bir hücumun nəticələri yalnız onun sərhədləri ilə məhdudlaşmayacaq”, - o bildirib.

Qeyd edək ki, dünən Cenevrədə İran və ABŞ rəsmiləri arasında danışıqlar baş tutub.