Amerikalılar və iranlılar yenidən danışmağa başlayıblar. Ümidli olmaq üçün bir çox səbəb var. Ümid edirik ki, nəticə əldə olunacaq, xüsusən də nüvə məsələsi ilə bağlı.

Axar.az xəbər verir ki, bunu Türkiyənin xarici işlər naziri Hakan Fidan deyib.

“Digər tərəfdən, hərbi fəaliyyətin də artdığını müşahidə edirik. Bu fəaliyyət davam edən danışıqlara təzyiq göstərmək məqsədi daşıyır, yoxsa əvvəlcədən qərar verilmiş hərbi əməliyyata hazırlıqdır?

Biz bunu yaxından izləyirik. Arzumuz tərəflərin hərbi əməliyyatlara və ya müharibəyə ehtiyac olmadan danışıqlarla həll yolu tapmasıdır. Hazırda məhz bu kritik həddəyik”, - o bildirib.