2026.02.25

Ukrayna Prezidenti Vladimir Zelenski və ABŞ Prezidenti Donald Tramp arasında telefon danışığı olub.

Axar.az xəbər verir ki, Ukrayna Prezidentinin müşaviri Dmitri Litvin jurnalistlərə söhbətin təxminən 30 dəqiqə davam etdiyini bildirib.

Zelenski isə sosial media hesablarında yazıb ki, o və Tramp ABŞ və Ukrayna nümayəndə heyətlərinin fevralın 26-da Cenevrədə görüşündə üzərində işləyəcəkləri məsələləri, o cümlədən martın əvvəlində keçiriləcək növbəti üçtərəfli görüşü müzakirə ediblər.

“Ümid edirik ki, bu, bizə liderlər səviyyəsində danışıqlara keçməyə imkan verəcək. Tramp bu ardıcıllığı dəstəkləyir. Bu, bütün mürəkkəb və həssas məsələləri həll etməyin və nəhayət müharibəyə son qoymağın yeganə yoludur”, - Zelenski qeyd edib.