Rusiyada Müdafiə Nazirliyi ilə müqavilələr imzalamağa və Ukraynaya qarşı döyüşməyə can atan insanların sayı azalır. Bu, tendensiya bir il əvvəl başlayıb və getdikcə güclənib.

Axar.az xəbər verir ki, bu barədə ABŞ-ın Müharibənin Öyrənilməsi İnstitutu mənbələrə istinadla məlumat yayıb.

“2026-cı ilin birinci rübündə Rusiya Müdafiə Nazirliyi ilə müqavilə imzaladıqdan sonra 71 min 200 nəfər hərbi xidmətə çağırış üçün birdəfəlik bonus alıb. Bu, 2025-ci illə müqayisədə 20% azalma deməkdir. 2025-ci ildə Rusiya Müdafiə Nazirliyi ilə 363 min 900 nəfər müqavilə imzalayıb, bu da 2024-cü illə müqayisədə 10% azdır. İtkilər artdıqca Rusiya əsgər toplamaqda da çətinlik çəkir. Buna görə də Kreml ehtiyat əsgər ayırmağa, müqavilələrin imzalanması üçün bonusları artırmağa və bu çatışmazlıqla mübarizə aparmaq üçün gizli səfərbərlik səylərini genişləndirməyə məcburdur”, - məlumatda deyilib.