FETÖ, PKK, İŞİD də daxil olmaqla bütün terror təşkilatlarına qarşı mübarizə apardığımız bir vaxtda siyasi partiyalardan dəstək gözləyirik.

Axar.az xəbər verir ki, bu sözləri Türkiyənin Baş naziri Binəli Yıldırım AKP-nin qrup toplantısında danışarkən deyib.

Onun sözlərinə görə, AKP üzvləri FETÖ-nun hiyləsinə uymamalıdır:

"FETÖ-nun zəhər kimi hər yerə sıza bilən fitnəli çıxışlarından diqqətli olmağınızı istərdim. AKP təşkilatlarına da bunu demək istəyirəm: heç kim FETÖ-nun oyununa uymasın. Bu təşkilat AKP-nin və digər partiyaların içində tərəddüdlər ortaya çıxarmaq üçün hər cür hiylə, yalan işlədir. Guya bu yolla ifşa olunmayan FETÖ-cular qorunacaq".