Türkiyənin Müdafiə və Mühəndislik (TMM) Qurumu hərbi sənayə sahəsində növbəti yeniliyə imza atıb.

Axar.az xəbər verir ki, Türkiyə Silahlı Qüvvələrinə və Müdafiə Sənayesi Katibliyinə texniki, layihə, logistik eləcə də digər yönlərdə dəstək verən TMM kamikadze tipli pilotsuz uçuşa aparatı (PUA) ərsəyə gətirib.

Süni zəka alqoritmi ilə təchiz edilən müşahidə etmə funksiyasiyalı PUA-lar toplu şəkildə hərəkət edərək düşmən obyektini məhv etmək qabiliyyətinə malik olacaq.

Həmin PUA-ların adları da diqqətçəkicidir. "Alpaqu", "Karqu" və "Toqan"nın yaxın zamanda hərbi qüvvələrin sərəncamına veriləcəyi gözlənilir.

Qeyd edək ki, sözügedən PUA-lar İDEF-2017 sərgisində nümayiş olunacaq.