Şimali Koreyanın ABŞ-ın materik hissəsini tamamilə məhv edə biləcək “Hvasonq-15” ballistik raketlərini sınaqdan keçirməsinə rəsmi Pekin münasibət bildirib.

Axar.az xəbər verir ki, Çin XİN-nin sözcüsü Qenq Şuanq Pxenyanın həyata keçirdiyi raket sınağından narahatlıq keçirdiklərini və buna qarşı olduqlarını açıqlayıb.

Şimali Koreyaya BMT Təhlükəsizlik Şurasının qətnamələrinə əməl etmək barədə ciddi xəbərdarlıq etdiklərini deyən Şuanq rəsmi Pxenyanı Koreya yarımadasında təzyiqi artıracaq fəaliyyətlərdən qaçmağa çağırıb.

Qeyd edək ki, Şimali Koreya ağır nüvə başlıqları daşımaq imkanlarına sahib “Hvasonq-15” raketlərini uğurla sınaqdan keçirib.