Arturo adlı qütb ayısının Argentinada uyğun olmayan şəraitdə saxlanılması heyvan haqları müdafiəçilərini ayağa qaldırıb.

Axar.az xəbər verir ki, dünyanın ən bədbəxt heyvanı olaraq tanınan Arturo Cənubi Amerika iqliminə tamamilə zidd olan bir mühitdə, təxminən 40 dərəcə istidə ölümlə mübarizə aparır.

2 il əvvəl ən yaxın qəfəs yoldaşı Pelusanın ölməsi Arturonu daha da gərgin vəziyyətə gətirib. Zoopark bələdçiləri heyvanın artıq özünü qəribə apardığını deyir. 29 yaşlı qütb ayısının başını davamlı olaraq yellədiyi, özünü yerə çırpdığı bildirilir.

50 santimetrlik bir hovuzu olan beton qəfəsdə işgəncə içində yaşayan heyvanın başqa bir ölkəyə aparılması üçün imza kampaniyaları başladılıb. Bir neçə təklifə baxmayaraq, Arturonun daha uyğun hava şəraitinə sahib olan bir ölkəyə aparılması gözlənilir.