Türkiyə Silahlı Qüvvələri “Zeytun budağı” əməliyyatı çərçivəsində terrorçulardan ələ keçirilən silahların fotolarını paylaşıb.

Axar.az xəbər verir ki, TSQ yanvarın 30-31-də ələ keçirilmiş silahların siyahısını təqdim edib.

Məlumata görə, yanvar ayının son 2 günündə əməliyyatlar nəticəsində terrorçulardan 1 ədəd SA-18 çiyindən atılan hava hücumundan müdafiə raketi, 4 ədəd “Kalaşnikov” avtomatı, 2 ədəd PKM pulemyotu, 2 ədəd RPQ7, 4 ədəd RPQ7 sursatı, 1 ədəd snayper tüfəngi, 3 ədəd tapança, 1 ədəd tank əleyhinə mina, 2 ədəd əl qumbarası, 3 ədəd binokl, 2 ədəd rabitə cihazı, 15 ədəd boş daraq, çox miqdarda müxtəlif çapda yüngül silahlar üçün sursat ələ keçirilib.