Avropa Birliyi Komissiyası tərəfindən Rusiyanın bütün neft və silah şirkətlərinə qarşı qadağaların tətbiq edilməsi təklif edilib.

Axar.az xəbər verir ki, AB-nin üzv ölkələri Rusiyanın ordusunu Ukraynanın şərqindən geri çəkməyəcəyi təqdirdə sanksiyaların ağırlaşdırılması tərəfdarı olduqlarını bildiriblər. AB komissiyası üzv ölkələrə göndərdiyi məktubda Rusiyanın nəzarətində olan neft və silah şirkətlərini qara siyahıya salmağa dəvət edib. Komissiyanın təklifi təsdiqlənsə, Rusiya neft şirkətlərinin təhvil və hissə sənədlərindən istifadə edərək sindikatlaşdırılmış kredit alması mümkünsüz olacaq.

AB üzvlərinin gündəmində Rusiyaya neft və digər sektorlarda yüksək texnologiya ixracatını daha da məhdudlaşdırmaq var.

AB Komissiyası həmçinin üzv ölkələrdən Rusiyanın Dünya Kuboku və Avropa çempionatları daxil olmaqla, beynəlxalq idman və mədəniyyət tədbirlərindən təcrid edilməsinin də müzakirəsi istənilib. Ancaq üzv ölkələrin əksəriyyəti bu mərhələdə Rusiyanın 2018-ci il futbol üzrə Dünya Çempionatına ev sahibliyi etməsi qərarının nəzərdən keçirilməsinə müsbət baxmır.

AB-nin iqtisadi və ticarət sanksiyalarında əkinçilik və qida sektorundan sonra Moskva rəhbərliyinin bir sonrakı addımının avtomobil sektoru olacağı şərhi Almaniya, Çexiya, Slovakiya və Macarıstan kimi ölkələri düşündürür. Yenə də Ukraynanın şərqində qarşıdurmaların davamı və Rusiya əsgərlərinin geri çəkilməməsi halında AB-nin iqtisadi və ticari sanksiyalarını artırması gözlənilir.