ABŞ Dövlət Katibi Con Kerri Türkiyənin Kobaniyə ordu yeridib-yeritməyəcəyi ilə bağlı açıqlama verib.

Axar.az xəbər verir ki, Kerri kürdlərin Kobanidə türk əsgərlərini istəmədiyini qeyd edib.

"Amerikanın səsi" radiosuna danışan Kerri müəyyən məsələlərə aydınlıq gətirib:

"Türkiyə koalisiyada vəzifə alır və müəyyən sahələrdə kömək edir. Ancaq qəti olan bir şey varsa, aralarında kürdlər, iraqlılar, suriyalılar və digərlərinin olduğu fərqli qruplar, türk əsgərlərini Kobanidə görmək istəmir. Buna görə də, hər kəsin sakit olması, ehtiyatlı addım atması lazımdır. Xüsusi nümayəndə Con Allen Ankarada görüşlər keçirdi. Tam olaraq harada olduğumuzu bu danışıqların sonunda dəqiqləşdirəcəyik".