Kremlin mətbuat katibi Dmitri Peskov Rusiya Prezidenti Vladimir Putinin xərçəng olması ilə bağlı yayılan məlumatlara aydınlıq gətirib.

Axar.az xəbər verir ki, Peskov verdiyi açıqlamasında xarici KİV-lərdə Putinin xərçəng xəstəsi olması və 3 aylıq ömrünün qalması xəbərini təkzib edib.

"Bunu görməyəcəklər. Onların dili qurusun. Hər şey normaldır", mətbuat katibi deyib.

Qeyd edək ki, ABŞ-ın "Nyu York Post" qəzeti Vladimir Putinin mədəaltı xərçəng xəstəsi olduğunu və dövlət başçısının cəmi 3 ay ömrü qaldığını yazmışdı.