Ərdoğandan üzr istədiyi iddiasını təkzib edən ABŞ-ın vitse-prezidenti Co Bayden Türkiyəyə gedir.

Axar.az xəbər verir ki, 17 noyabrda reallaşacaq səfər Mərakeşdən başlayacaq. Daha sonra Kiyevə gedən Bayden son olaraq Türkiyəyə yollanacaq.

Ağ Evdən verilən açıqlamada səfərin məqsədi bildirilməsə də, Suriya ilə bağlı müzakirələr aparılacağı təxmin olunur.

Xatırladaq ki, bir neçə gün öncə vitse-prezident Harvard Universitetində etdiyi çıxışda Ərdoğanın Suriya ilə bağlı ona etiraf etdiyini demişdi. Ərdoğanın bu təkzibindən sonra Ağ Ev Baydenin Türkiyə prezidentindən üzr istədiyini desə də, bu dəfə vitse-prezident Ağ Evin dediklərini təkzib edərək "Mən Ərdoğandan heç vaxt üzr istəməmişəm", - deyə qalmaqala münasibət bildirmişdi.

Məhz son olaylardan sonra Co Baydenin Türkiyəyə səfəri dünya ictimaiyyətində böyük maraqla gözlənilir.