Britaniya Xarici İşlər naziri Ceremi Hant Ekvador Prezidenti Lenin Morenaya Culian Assanca diplomatik sığınacaq vermədiyinə görə təşəkkür edib.

Axar.az xəbər verir ki, bu sözləri Hant öz Tvitter səhifəsində yayıb.

“Assanc qəhrəman deyil, heç kim qanundan üstün deyil. O, həqiqətdən uzun illər gizlənib. Ekvador və Prezident Lenin Moreno Assancın qanun qarşısında cavab verməsi üçün etdiyi əməkdaşlığa görə sağ olsun”, – deyə o bildirib.

“Vikiliks” saytı isə Assancın həbsinin beynəlxalq hüququn pozulması olduğunu yazıb.

RT-nin baş redaktoru Marqarita Simonyan da Assancın həbsini ümumbəşəri ikiüzlülüyün qələbəsi adlandırıb.