Ermənistanda baş tutan Rusiya-Ermənistan təlimlərində ilk dəfə olaraq radioelektron mübarizə komplekslərindən istifadə edilib.

Axar.az xəbər verir ki, bunu jurnalistlərə açıqlamasında Rusiya-Ermənistan birləşmiş qoşun qruplaşmasının komandanı Tiqran Pərvanyan deyib. O, təlimə cəlb edilən radioelektron mübarizə kompleksinin Rusiya ordusundan başqa dünyanın heç bir ordusunda olmadığını bildirib.

Pərvanyan hazırda bu kompleksin birləşmiş qoşun qruplaşmasının balansında olduğunu vurğulayıb. Kompleksin adı isə hələlik açıqlanmayıb.

Qeyd edək ki, aprelin 4-də Rusiya-Ermənistan hərbi təliminə start verilib. Təlimə ümumilikdə 2 min hərbçi və 300 hərbi texnika cəlb edilib. 102-ci bazanın rəhbəri Vladimir Yelkanov və Ermənistan-Rusiya birləşmiş qoşun qruplaşmalarının komandanı Tiqran Pərvanyanın rəhbərlik etdiyi təlimin aprelin 14-nə qədər davam etməsi nəzərdə tutulub.