17:54

G7 sammitində iştirak etmək məqsədilə İran nümayəndə heyəti Biarris şəhərinə gedib.

Axar.az xəbər verir ki, bu barədə mülki təyyarələrin uçuşlarını izləyən “Flightradar24” məlumat yayıb.

Məlumata görə, İran nümayəndələrinin olduğu təyyarə Biarris aeroportuna enib. Bu aralar həmin aeroport yalnız rəsmi nümayəndə heyətlərinin təyyarələrini qəbul edir. “Flightradar24” bildirib ki, enən təyyarə İranın Xarici İşlər naziri Məhəmməd Cavab Zərifin rəsmi səfərlər zamanı uçduğu təyyarədir.

Qeyd edək ki, cümə günü Parisə səfər edən Məhəmməd Cavad Zərif fransız həmkarı Jan-İv Lö Drian və Fransa Prezidenti Emmanuel Makronla görüşmüşdü.

***

İran Xarici İşlər Nazirliyinin rəsmi nümayəndəsi Abbas Musəvi Məhəmməd Cavad Zərifin G7 sammitinə səfərini təsdiqləyib.

Musəvi Zərifin sammitə Fransa XİN rəhbərinin dəvətilə qatıldığını bildirib. O, Zərifin Fransada ABŞ nümayəndələri ilə görüş keçirməyəcəyini deyib.