Ana səhifə Planet |
Moldova parlamenti Nazirlər Kabinetinin yeni tərkibini təsdiq edib.
Axar.az xəbər verir ki, qərara əsasən, İon Kiku baş nazir olub. Kikunun rəhbərlik etdiyi texnokrat hökumətin lehinə 62 deputat səs verib.
Noyabrın 12-də Maya Sandu Moldova baş naziri vəzifəsindən istefaya göndərilib. Bundan sonra Prezident Dodon ölkənin dörd əsas partiyasını məsləhətləşmək üçün toplayıb. Dodonun rəhbərlik etdiyi Sosialistlər Partiyası diskussiyalara açıq olduğunu, Sandunun təmsil olunduğu ACUM Bloku isə yalnız Sanduya baş nazir olaraq səs verəcəklərini bildirib. Demokrat Partiyası sosialistlərlə koalisiyaya getməkdən imtina etdiyini, ŞOR müxalifətdə qalacağını açıqlayıb. Nəticədə Dodonun müşaviri Kikunun rəhbərliyi ilə texnokrat hökuməti qurulması barədə razılıq əldə olunub.
Hökumətin 2020-ci ilin payızında keçiriləcək prezident seçkisinə qədər səlahiyyətlərini icra edəcəyi vurğulanıb.
Tarix
2019.11.14 / 17:38
|
Müəllif
İlkin Həsənov
|