21:21

ABŞ ordusu Hasekə əyalətində son 8 gündə 4 dəfə rus əsgərlərin yolunu kəsərək hərbi bazalarına geri döndərib.

Axar.az xəbər verir ki, bu barədə məlumatı Anadolu Agentliyi yayıb. Məlumata görə, Suriyada YPG/PKK nəzarətindəki bölgələrdə xidmət aparan ABŞ əsgərləri əyalətdə yerləşən hərbi bazadan çıxaraq hərəkət edən rus hərbi maşınlarının qarşısını kəsiblər. Daha sonra isə havaya qalxan rus helikopterini endirmək üçün ABŞ-ın 2 helikopteri müdaxilə edib və rus helikopterlərini enməyə məcbur edib.

ABŞ ordusunun rus qüvvələrinə maneə yaratması nəticəsində Rusiya hərbi qüvvələri bölgədəki hərbi bazaya geri dönmək məcburiyyətində qalıb.