ABŞ Prezidenti Donald Tramp və onun Ağ Evdəki köməkçiləri istəyirlər ki, heç olmasa bir nəfər senator-demokrat impiçmentin əleyhinə səs versin.

Axar.az xəbər verir ki, bu barədə “Vaşinqton Post” məlumat yayıb.

Bildirilib ki, ötən il Tramp Konqresdə 3 demokratın impiçmentin əleyhinə səs verməsindən dolayı xüsusi fəxr hissi keçirirdi. İndi isə Ağ Ev rəhbəri cəmi 1 demokratın səsinə möhtacdır.

Həmin 1 səsi demokratlardan Co Mançinin verəcəyi cüzi də olsa ehtimal edilir.

Qeyd edilir ki, C.Mançin Senatda çıxışlarında Trampın lehinə açıqlamalar verib. Eyni zamanda Trampın vəkillər heyətini dəstəkləyən yeganə demokrat olub.