Kanadada bir hakim hicablı olduğu səbəbilə şikayətçinin işinə baxmaqdan imtina edib.

Avropa.info xəbər verir ki, Kanadanın Kvebek ştatında bir hakim, məhkəmə salonuna gələn şikayətçi qadının hicablı olduğunu görərək işə baxmaqdan imtina edib.

Əldə olunan məlumata görə Kvebek əyalət məhkəməsinin hakimi Eliana Marengo işə baxmaq üçün şikayətçi Rania Alloldan hicabını soyunmasını istəyib.

O tələbinə məhkəmə qanunlarına görə hakim qarşısına baş örtüyü və günəş eynəyi ilə çıxmağın qadağan olduğu ilə bəraət qazandırıb.

Bundan başqa hakim şikayətçiyə məsələnin həlli üçün yol da göstərib. O bildirib ki, şikayətçi ya baş örtüyünü çıxarmalı, ya da məhkəmə prosesində onun əvəzinə iştirak edəcək vəkil tutmalıdır.

Şikayətçi Rania Allol isə dini inancına görə baş örtüsünü çıxara bilməyəcəyini bildirib.