Ana səhifə Planet |
Türkiyə Xarici İşlər Nazirliyi Almaniya Prezidenti Yoahim Qaukun 1915-ci il hadisələri ilə bağlı çıxışına sərt reaksiya verib.
Axar.az xəbər verir ki, XİN-in yaydığı bəyanatda Almaniya prezidentinin tarixi həqiqətlərə zidd hərəkət etdiyi bildirilib. Həmçinin yaxın günlərdə 1915-ci il hadisələri ilə bağlı qanun layihəsini müzakirə etməyi planlayan Bundestaqdan yanlış qərar verilməməsi xahiş olunub:
"Prezident Qaukun hüquqa və tarixi həqiqətlərə zidd şəkildə türk millətini törətmədiyi hadisəyə görə ittiham etməyə haqqı yoxdur. Türk tarixi və şəxsiyyəti türk-alman cəmiyyətinin ayrılmaz bir hissəsidir. Bu şəxsiyyəti qaralama cəhdlərinə bu cəmiyyətin fərdləri səssiz qalmayacaqlar. Türk xalqı Almaniya prezidentinin bu ifadələrini unutmayacaq və bağışlamayacaq. Həmçinin yaxın günlərdə 1915-ci il hadisələri ilə bağlı qanun layihəsini müzakirə etməyi planlayan Bundestaqın bu tarixi məsələ barədə tərəfsiz qalmasını, türk-alman əlaqələrinə zərər verəcək bir mövqe sərgiləməməsini xahiş edirik".
Qeyd edək ki, aprelin 23-də Almaniya Prezidenti Yoahim Qauk 1915-ci il hadisələrinin "soyqırım" olduğunu bildirib.
Tarix
2015.04.25 / 14:05
|
Müəllif
İlham Sahiloğlu
|