Ya boşalmaqda olan Ermənistanda fransız dilindən tərcüməçi qalmayıb, ya da bu dildən az-çox başı çıxanların görmə ilə bağlı problemləri var, amma fakt faktlığında qalır: bu ölkədə yenə də kitaba baxır və orada yazılanlara heç dəxli olmayan şeylər görürlər.

Məsələn, "news.am" bu gün yazır ki, "erməni soyqırımının" inkar edilməsinin cəzalandırılması barədə layihə guya baxılması üçün Belçika parlamentinə təqdim edilib (bax: http://news.am/rus/news/264863.html). Onun ardınca, yeri gəlmişkən, həmin məlumata heç bir dəxli olmayan xəbərin hiperlinki verilib.

Bu xəbəri İnternetdə özümüz axtarmalı olduq. Budur, sən demə, Belçika nəşri nə yazır (bax: http://www.lalibre.be/actu/international/nier-le-genocide-armenien-ne-coute-rien-553a54bf35704bb01befb0f1): Belçikada qondarma "erməni soyqırımını" tanımayanlar cinayət hüququ çərçivəsində heç bir məsuliyyət daşımayacaqlar. 1995-ci ilin qanunu yalnız Holokostun inkar edilməsinə aiddir və Ruanda, Kamboca soyqırımları kimi tarixdə baş vermiş digər soyqırımlarına, o cümlədən "erməni soyqırımı"na şamil edilmir. Bununla belə, nəşrin yazdığına görə, onun təsirinin Ruanda soyqırımına şamil ediləcəyi istisna deyildir. Dərhal da qeyd edilir ki, çoxluğun ermənilərin başına gələnlərin "soyqırımı" olması ilə razılaşacağı şübhə doğurur, bunu hətta siyasi nöqteyi-nəzərdən təxmin etmək təhlükəlidir. RS və CDN fraksiyaları türk elektorat ilə risk etməyəcək və Holokost haqqında qanunun təsir çərçivələrinin genişləndirilməsini, "erməni soyqırımı"nın da onun orbitinə daxil edilməsini dəstəkləməyəcəklər.

Qonşular, madam ki, tərcüməçilərinizin hamısı başını götürüb ölkədən qaçıb, heç olmazsa, hərdənbir öz istinadlarınızı yoxlayın, ya da "google-translate"dən yararlanın.

AzərTAc