Paşinyanın komandasında da ona qarşı etimadsızlıq var.

Axar.az xəbər verir ki, bu məlumatı “Qraparak” qəzeti yayıb.

“Buna görə də Paşinyan hərbi vəziyyətin ləğvindən imtina edir. O, bundan sonra özünə qarşı etimadsızlığın elan ediləcəyi imkanının yaranmasından qorxur. Əgər Paşinyan komandasının loyallığına əmin olsaydı, rejimi çoxdan ləğv edərdi. Nikol hesab edir ki, deputatların əksəriyyəti onun üçün sürpriz hazırlayıb, impiçment elan edəcəklər. Bizə verilən məlumata görə, hərbi rejimlə bağlı bütün məhdudiyyətlər sıra ilə ləğv ediləcək. Hərbi vəziyyət yalnız qoşunların hərəkəti və digər məqsədlərlə bağlı hərbçilərə aid ediləcək. Bunun əsl hədəfi isə baş nazirə etimadsızlıq votumunun elan edilməsinin qarşısını almaqdır”, – deyə o bildirib.