Yuxarı

Hərbi gəmilər Fars körfəzinə irəliləyir: Müharibə?

Ana səhifə Planet
12 Punto 14 Punto 16 Punto 18 Punto

İranla ABŞ arasında gərginlik hər zaman olub, bu, təəccüblü hal deyil. Rəsmi Vaşinqtonun Fars körfəzinə hərbi gəmilərini göndərməsi də ənənəvi ABŞ siyasətidir. İstər İran, istərsə də ABŞ dəfələrlə bir-birinə güc nümayiş etdirsə də, bu, müharibəyə gətirib çıxarmayıb. Düşünmürəm ki, yaxın gələcəkdə belə bir şey baş versin.

Bu sözləri Axar.az-a politoloq Elxan Şahinoğlu ABŞ-ın İraq səfirliyinə raket hücumundan sonra İsrail və ABŞ gəmilərinin Fars körfəzinə hərəkət etməsini şərh edərkən deyib.

O bildirib ki, Donald Trampın hakimiyyətdə olduğu 4 il ərzində İranla ABŞ-ın toqquşması ehtimalı daha yüksək idi:

“Çünki Tramp prezident olan kimi İranla nüvə razılaşmasından çıxdı, iki ölkə münasibətləri tarixinin ən gərgin dövrünü yaşadı. İranlı general Qasım Süleymaninin ölümü və İrana qarşı tətbiq edilən sanksiyalar iki ölkə arasında gərginliyi kuliminasiya nöqtəsinə çatdırdı.

İstənilən halda bütün bu və digər məsələlər İran-ABŞ, dolayı yolla İsrail-İran münasibətlərinə nə qədər ciddi zərər versə də, düşünmürəm ki, bu, müharibəyə səbəb olsun. Çünki İranla istənilən müharibənin nəticələri ağır ola bilər. Məsələ ondadır ki, bu, təkcə İran deyil, region ölkələri üçün də ciddi təhlükə deməkdir.

Bu gün əslində tərəflər arasındakı əsas gərginlik İranın Yaxın Şərqdəki aktiv siyasi fəaliyyətidir. Xüsusilə rejimin maliyyələşdirdiyi dini ideoloji qruplaşmalar ABŞ maraqlarına ziddir.

ABŞ-ın yeni Prezidenti Co Bayden də İrana qarşı sərt sanksiyaları dəstəkləsə də, müharibə variantını seçməyəcək. İsrailin özü belə İranla birbaşa qarşıdurmaya getməyəcək. Ümumiyyətlə, son zamanlar İsrail hansına bir müsəlman ölkəsi ilə qarşıdurmadan çox, yaxınlaşmağa üstünlük verir”.

Tarix
2020.12.24 / 09:13
Müəllif
Turan Rzayev
Şərhlər
Digər xəbərlər

Arkov: Bakı buna çox sərt cavab verəcək

Erməni: Həyətim Azərbaycan ərazisinə düşür - Video

Vaşinqton bu ölkəyə qarşı yeni ittifaq yaradır

Araikin müsahibəsi ilə bağlı AzTV-dən yeni açıqlama

Bu video Musəvinin başına dərd açdı: İstefası tələb edildi

Araikin müsahibəsi buna görə yayımlanmadı - Sensasion iddia

Bəs, İranın “qırmızı xətti” idi? Tehran niyə səsini çıxarmır?

İran bu ölkələri Xəzərə buraxmaq istəmir

Bu, Bakıya təhdiddir: hazırlaşmalısınız – Mixaylov

Makronun “revanş” cəhdi Nikolu niyə qorxutdu?..

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla