15:19

Avstriya ordusunun hərbçiləri Türkiyədə zəlzələ zonasında xilasetmə işlərini müvəqqəti dayandırıb.

Axar.az xəbər verir ki, bu barədə Avstriya Silahlı Qüvvələrinin polkovnik-leytenantı Piyer Kuqelveys məlumat verib.

O bildirib ki, bölgədə silahlı qruplaşmalar arasında baş verən atışmaya görə belə bir qərar qəbul edilib:

“Bu cür hadisələr axtarış-xilasetmə işlərinə mane olur. Biz kömək etmək istərdik, amma vəziyyət belədir”.

P.Kuqelveys eyni zamanda vurğulayıb ki, Avstriya ordusuna qarşı heç bir hücum olunmayıb.

***

Avstriya hərbçiləri xilasetmə əməliyyatını bərpa ediblər.

Bu barədə ölkənin Müdafiə Nazirliyi məlumat yayıb.

Bildirilib ki, Türkiyə ordusu xilasetmə kontingentinin mühafizəsini öz üzərinə götürüb.