Misir Apelyasiya Məhkəməsi eks-prezident Məhəmməd Mursinin 149 tərəfdarına çıxarılan ölüm hökmünü ləğv edib.

Axar.az xəbər verir ki, bu barədə informasiyanı BBC televiziyası yayıb. Məhkəmənin qərarı ilə bu işlə bağlı proses yenidən başlanılmalıdır.

Qeyd edək ki, 2014-cü ildə Misir məhkəməsi ölkədə qadağan edilmiş Müsəlman Qardaşları təşkilatının 183 üzvünə ölüm hökmü elan edib. Onlar 2013-cü ildə 13 polisin ölümündə günahlandırılıblar. 2015-ci ildə təşkilatın eks-lideri Məhəmməd Mursi ölüm hökmünə məhkum edilib.

Mursi devriləndən bu yana Misirdə 7 nəfər edam edilib. Bunlardan 6-sı Müsəlman Qardaşlarının üzvüdür.